Məkkə ətrafında həcc və ümrə ibadətlərinə aid olan müəyyən dini sərhədlər mövcuddur. Bu sərhədlər üç əsas bölgəyə bölünür: Miqat yerləri, Hill bölgəsi və Haram bölgəsi.

Miqat, hər bir zəvvarın ehrama daxil olmalı olduğu sərhəd məntəqələridir. Fərqli istiqamətlərdən gələn zəvvarlar üçün Peyğəmbərimiz (s.a.v) tərəfindən təyin edilmiş miqat nöqtələri bunlardır:

• Zülhüleyfə – Mədinədən gələnlər üçün
• Cuhfə – Şam və Misir istiqamətindən gələnlər üçün
• Zatu-İrq – İraq tərəfdən gələnlər üçün
• Qarnul-Mənəzil – Nəcd və Riyad istiqaməti üçün
• YələmLəm – Yəmən və Hind okeanı istiqaməti üçün

Bu sərhədlər ehramsız keçilə bilməz. Ehramla birlikdə zahiri və batini təmizliyə qədəm qoyulur.

Haram bölgəsi isə Kəbə ətrafında yerləşən və xüsusi qadağaların tətbiq edildiyi müqəddəs ərazidir. Bu ərazidə heyvan öldürmək, ot qoparmaq və digər müəyyən əməllər haram sayılır.

Hill bölgəsi, miqat və haram sərhədləri arasında yerləşir. Burada yaşayanlar ehrama Haram bölgəsinə daxil olmadan öncə girməlidirlər. Tənim, Ciranə və Hüdəybiyə bu bölgədə yerləşən tanınmış yerlərdəndir.

Həcc mərhələlərinin həyata keçirildiyi Mina, Müzdəlifə və Ərəfat da bu xəritədə göstərilən əsas ibadət məkanlarındandır. Bu bölgələr zəvvara həm dini, həm də mənəvi təkamül üçün zəruri mühit yaradır.