Həcc nədir?
"Həcc" sözünün lüğəvi mənası — hörmət edilən, böyük və əhəmiyyətli bir yerə yönəlmək, ziyarət etmək, ora gedib-gəlmək deməkdir.
Fiqh terminologiyasında isə həcc; imkanı olan müsəlmanların, müəyyən vaxt çərçivəsində Kəbə, Səfa-Mərvə, Ərəfat, Müzdəlifə və Minada həcc ibadətinə dair dini vəzifələri şəriətə uyğun şəkildə yerinə yetirməsidir.
✅ Həccin 3 Növü Var
1. İfrad Həcci
Bu həcc növündə yalnız həcc üçün ehrama girilər və ümrə yerinə yetirilməz. Bu səbəbdən bu ibadətə “ifrad” – yəni “tək etmək” deyilir.
2. Təməttu Həcci
Təməttu həccində əvvəlcə ümrə üçün ehrama girilər, sonra ehramdan çıxılır. Daha sonra Ərəfata çıxmadan öncə təkrar ehrama girilər və həcc yerinə yetirilər. Ehramdan çıxıb ehram qadağalarından bir müddət azad olunduğu üçün bu növə “təməttu” (faydalanmaq) deyilir.
3. Qıran Həcci
Bu növdə həcc və ümrə üçün eyni vaxtda ehrama girilər. Əvvəlcə ümrə yerinə yetirilər, ehramdan çıxmadan həcc tamamlanar. Həcc və ümrə ibadətləri birləşdirildiyi üçün bu növə “qıran” deyilir.
🧭 Azərbaycan Həcc Zəvvarları üçün Ən Uyğun Növ
Azərbaycan və digər ölkələrdən Həccə gedən zəvvarların çoxu təməttu həccini yerinə yetirirlər. Bu səbəbdən təlimat kitablarında, əvvəlcə ümrə, sonra isə həcc ibadəti izah olunur.
Əgər zəvvar ilk olaraq Mədinəyə gedirsə, oradan Məkkəyə hərəkət etməzdən əvvəl oteldə ehram hazırlığını tamamlayır və qafilə rəhbərinin təlimatları ilə davam edir.